Chhì-á ùi kòe-khì thòaⁿ kàu taⁿ i-keng 70nî
（刺仔對過去湠到今已經70年）
Lán oa̍h tī chhì-á po͘--lin
（咱活治刺仔埔--lin）
Móasin ê khangchhùi
（滿身ê空嘴）
Tōsī bô lán kakī ê Country
（就是無咱加忌ê Co͘untry）
Kiòsī bô siáⁿmi̍h ētàng koh sit--khì
（叫是無啥乜會當koh失--去）
「Góa kiòchò Tēⁿ lâmiông, góa chútiuⁿ Tâiôan to̍kli̍p！」
（「我叫做鄭南榕，我主張台灣獨立！」）
Itti̍t kàu i chiong ka-kīoa̍h chò chi̍t lia̍p kan-lo̍k
（一直到伊將加忌活做一粒干轆）
Kui sì-lângūi-tio̍h Tâioân kok cháu-chông
（規世人為著Tâioan國走chông）
Itti̍t kàu i chiong ka-kī oa̍h chò chi̍t pé hóe
（一直到伊將加忌活做一把火）
Ù-ìn tī Tâioân lâng ê sim-koaⁿ té
（煦印治台灣人ê心肝底）
M̄-thang bē-kì
（不通袂記）
I sio chhut chit tiâu hóelō͘
（伊燒出這條火路）
Sī beh sio he sú lán lâuhoehlâutih ê chhì-á
（是beh燒彼使咱流血流滴ê 刺仔）
Sī ūi-tio̍h chhiō lán kiàn-kok ê oa̍hlō͘
（是為著chhiō咱建國ê活路）
M̄-thang bē-kì
（不通袂記）
I ài lán tui-kiû ê chū-iû
（伊愛咱追求ê 自由）
Sī ài chhin-chhiūⁿ i iōng sìⁿ-miā
（是愛親像伊用性命）
Khí-chō chi̍t-ê kok-ka
（起造一个國家）
sio̍k-tī lán ka-kī ê miâ
（屬tī咱加忌ê名）
Lán ka-kī ê lâng
（咱加忌ê人）
Lán m̄-bat sit--khì i
（咱不捌失--去伊）
In-ūi lán ē-kì-tit
（因為咱會記得）
Kā i ê kan-lo̍k phah khí-lâi
（共伊ê干轆phah起來）
tńg tī lán ê simkoaⁿ lāi
（轉治咱ê心肝內）
2017.04.07
